१ . स्विच अफ गर्नुहोस् :- गोजीमा राखेको वा हातमै चलाउँदा चलाउँदैको मोबाइलफोन पानीमा खस्दा त्यो खुल्लै हुन्छ। त्यसैले पानीबाट निकाल्ने बित्तिकै मोबाइलफोन स्विच अफ गर्नुपर्छ । स्विच अफ गरेपछि मोबाइलफोनको भित्री सट सर्किट हुने डर हुँदैन, सट सर्किट भएर महत्वपूर्ण भित्री पार्टस् पुर्जा नष्ट हुनबाट जोगिन्छ ।
२ . सबै चिज हटाउनुहोस् :- मोबाइलफोन स्विचअफ गरेपछि त्यसका हरेक चिज हटाउनुपर्छ । ब्याट्री, सिमकार्ड, मेमोरी कार्ड, फोनको कभर तथा एयरफोन भएमा पनि त्यसलाई विस्तारै झिक्नुपर्छ । त्यसरी बाहिर झिकेको वस्तुहरुलाई कपडाले पुछेर पानी हटाई ओभानो बनाउनुपर्छ ।
३ . झट्कार्नुहोस् :- मोबाइलफोनको हेडफोन ज्याक छिराउने प्वाल, चार्जिङ पोर्ट तथा थिच्ने बटन भित्र रहेको पानी बाहिर निकाल्नका लागि मोबाइलफोलाइ विस्तारै झट्कार्नुपर्छ । त्यसपछि मोबाइलफोनलाइ सुख्खा कपडाले पुछ्नुपर्छ । ट्वाइलेट पेपर तथा नेपकिनले राम्रोसँग पुछेर बाहिरी भागमा रहेको पानी पूरै हटाउनुहोस् ।
४ . चामलमा घुसाउनुहोस :-यो सबैभन्दा राम्रो विधि हो । हावा नछिर्नेगरी बिर्को लगाउन मिल्ने एउटा बट्टामा चामल भरेर उक्त चामलभित्र आफ्नो मोबाइलफोन घुसाएर राख्नुहोस् । अनि बिर्को लगाएर उक्त बट्टालाई सुख्खा ठाउँमा राख्नुहोस् । कम्तिमा २४ देखि ४८ घण्टासम्म मोबाइलफोनलाइ यसरी चामलभित्र रहन दिनुपर्छ । बीचबीचमा निकाल्ने गर्नुहुँदैन । ४८ घण्टासम्म चामलभित्र राखेपछि मोबाइलफोन बाहिर निकाल्नुहोस् । त्यसपछि ब्याट्री लगायतका पाटपुर्जा राखेर स्विच अन गर्नुहोस् । यदि पानीका कारण भित्री पाटपुर्जामा गम्भीर क्षति पुगेको रहेनछ भने मोबाइलफोनले काम गर्न थाल्नेछ ।
यदि यसो गर्दापनि मोबाइलफोनले काम गरेन भने त्यसलाई आफै खोलखाल पार्नु हुँदैन, सिधै मोबाइलफोन मर्मत गर्ने आधिकारिक ठाउँमा लग्नुपर्छ ।
यदि यसो गर्दापनि मोबाइलफोनले काम गरेन भने त्यसलाई आफै खोलखाल पार्नु हुँदैन, सिधै मोबाइलफोन मर्मत गर्ने आधिकारिक ठाउँमा लग्नुपर्छ ।